Қазақстанның солтүстік жартысында және республиканың оңтүстік, оңтүстік-шығыс, шығысының таулы аудандарында бұрқасын қар жаууы мүмкін. Елдің оңтүстік жартысында қар ери жауады. Қазақстанның басым бөлігінде жел секундына 15-20 метрге дейін күшейіп, екпіні секундына 23-28 метрге жетеді.

“Республиканың солтүстік-батыс жартысында жел секундына 30 метрге дейін немесе одан қатты екпінмен соғуы мүмкін. Қаңтардың бірінші онкүндігінде еліміздің батысында түнде температура -5+2°С-тан -3-12°С-қа дейін, күндіз -3+5°С-тан 0,-8°С-қа дейін ауытқиды. Қазақстанның солтүстік-батысында сынап бағанасы түнде 0,-7°С-тан -10-20°С-қа дейін, күндіз -5+2°С-тан -8-13°С-қа дейін біртіндеп төмендейді”, – делінген хабарламада.

Елдің солтүстігінде, орталығында, шығысында онкүндіктің басында ауа температурасының түнде -5-13°С-тан 0,-8°С-қа дейін, күндіз -2-8°С-тан -3+2°С-қа дейін жоғарылып, түнде -10-20°С-қа дейін, күндіз -5-12°С дейін біртіндеп төмендейді.

Сондай-ақ республиканың оңтүстігінде және оңтүстік-шығысында ауа температурасы түнде -8+2°С, күндіз -3+7°С шамасында, кейін түнде -8-15°С, күндіз -3-10°С дейін төмендеуі ықтимал.

Оңтүстік циклондардың салдарынан ауа температурасы көтеріліп, бірнеше қарқынды жылу толқындары пайда болады. Республиканың солтүстік жартысында сынап бағансы күндіз -5+2°С, елдің оңтүстік жартысында және оңтүстік-батысында +2+12°С көрсетеді.

“Солтүстік-батыс антициклонның себебінен бірнеше суық толқындар пайда болуы ықтимал. Бұл күндері ауа температурасы төмендейді: еліміздің солтүстігінде және орталығында ауа температурасы түнде -25-35°С, күндіз -15-25°С градусты көрсетеді. Қазақстанның оңтүстігінде және оңтүстік-батысында температура түнде -12-22°С дейін, күндіз -3-15°С дейін төмендейді”, – деген болжам жасады синоптиктер.

Ауа райы болжамына сәйкес, қаңтарда жиі екпінді жел соғып, тұман түсіп, көктайғақ болады.

Талқылау