"Бұл әлі жоспар ғана": Отбасы банк төрағасы 9-20-25 бағдарламасының қашан іске қосылатыны туралы айтты

2024 жылы 9-20-29 ипотекалық бағдарламасы іске қосылуы мүмкін. Алайда бұл әлі жоспар ғана. "Отбасы банкі" АҚ басқарма төрағасы Ләззат Ибрагимова осылай деп мәлімдеді. Бұл туралы Stan.kz ақпарат агенттігі хабарлайды. 

Фото: ОКҚ

Ләззат Ибрагимовадан Stan.kz тілшісі “9-20-25 бағдарламасы іске қосылса, 7-20-25 сияқты басталмай жатып лимиті бітіп қалатын бағдарлама қатарынан болмай ма?” – деп сұрады. 

"Отбасы банкі" АҚ басқарма төрағасы аталған бағдарламаның әлі басталмағанын және ешқандай лимиті де жоқ екенін айтты.

"Бағдарлама біздің жоспарымыз, есептеп жатырмыз. Бізге жас отбасылардан "кезекке тұра алмаймыз, 4 баламыз жоқ, арнайы бағдарлама жасап беріңіздер" деген сынды өтініш көп келеді. Сол жоспарымызға қатысты ақпарат интернетке тарап кетіпті. Ол бағдарлама болса, 2024 жылы ресми ақпаратын береміз", – деді Ләззат Ибрагимова.
Банк төрағасы 9-20-25 бағдарламасының шарттары мен тетіктері тек келесі жылы ғана белгілі болатынын айтты.