Cарапшылар: Коронавирус пандемиясы 2021 жылдың көктеміне дейін созылады
Ұлыбританияның денсаулық сақтау жөніндегі сарапшылары коронавирус пандемиясы 2021 жылдың көктеміне дейін жалғасып, британдықтардың 80 пайызын қамтып өтетіндігін болжап отыр, деп хабарлайды Stan.kz ақпарат агенттігі.
"Алдағы 12 айдың ішінде Ұлыбритания тұрғындарының 80%-ы COVID-19 коронавирусына шалдығады. Олардың 15%-ына, яғни 7,9 млн-ға жуық азамат ауруханаға жатуға мәжбүр болады", - делінген британдық дәрігерлер жариялаған құжатта.
Қазіргі таңда аталмыш құжат мемлекеттегі барлық ауруханалардың жетекшілеріне және бас дәрігерлеріне жолданған.
Сондай-ақ бұл құжатты Біріккен Корольдіктегі бір топ сарапшылар дайындап шыққаны айтылыпты.
Мамандардың болжауынша, Ұлыбританияда ауру жұқтырғандардың саны өсе келе мамыр-маусым айларында шарықтау шегіне жетеді екен.
Атап кетерлік жайт, ДДСҰ мәліметіне сәйкес, бүгінгі күні Ұлыбританияда ауруға шалдыққандардың саны мыңнан асып, жұқпалы індеттен 10 адам көз жұмған.
Шетелге ұшқан қазақстандықтың багажынан құны 3 миллион теңгеден асатын зергерлік бұйымы ұрланған: Мұндай жағдайда тап болмас үшін не істеу керек
Жолаушы: "Чемоданды ақтарғандары сонша ішінде біреудің жапсырмалы тырнағы түсіп қалған"
Қазақстанда ресейліктер, белорустар және қырғызстандықтар үшін азаматтық алудың жеңілдетілген тәртібі тоқтатылды
Жеңілдетілген тәртіппен қабылдау 2026 жылғы 10 сәуірден бастап тоқтатылған