"Борат-2" Гиннестің рекордтар кітабына кірді
Саша Барон Коэн түсірген "Борат-2" Гиннестің рекордтар кітабына Оскар тарихындағы ең ұзақ атауы бар фильм ретінде енді, деп хабарлайды Stan.kz ақпарат агенттігі.
Фильмнің толық атауы "Borat Subsequent Moviefilm: Delivery of Prodigious Bribe to American Regime for Make Benefit Once Glorious Nation of Kazakhstan" ("Борат туралы келесі фильм: Бір кездері даңқты Қазақстан халқының пайда табуы үшін америкалық режимге үлкен пара беру").
Еске салайық, "Борат-2" фильмінің премьерасы 2020 жылдың 23 қазанында Amazon Prime-де өтті.
15 наурызда "Борат-2" фильмі "Оскар-2021"сыйлығының номинанттары қатарына енді. Картина бірден екі номинацияда ұсынылды.
1 наурызда "Борат 2" фильмі бірден "Алтын глобус" сыйлығының екі мүсінін жеңіп алды.
- "Борат" фильмінің актері Қазақстанға келетінін айтты
- "Борат" фильмінен үзіндіге ұқсайды": Нұр-Сұлтанда төбеге көтерілген сиыр жайлы шетелдік басылымдар жаза бастады
Фильмнің шығуына орай Қазақстан мен әлемнің әртүрлі елдерінде наразалық білдірді.
Нью-Йорктегі қазақстандықтар "Борат-2" фильміне қарсы митингке шықты. Қазақстандық әншілер де Қазақстан үкіметінен Мемлекеттік туды қорлаған Боратқа қатысты шара қолдануды талап етті.
Дегенмен Қазақстанның сыртқы істер министрлігі "Борат-2" фильміне қатысты наразылық нота жолдау мағынасыз екенін мәлімдеді.
Айта кетейік, "Борат" кинокартинасының бірінші бөлімі 2006 жылы шыққан, оны Қазақстанда көрсетуге тыйым салынды.
