Бокстан әлем чемпиондары Шымкенттегі халықаралық турнирді жарқын жеңіспен бастады
Шымкентте бокстан ерлер арасында Кеңес Одағының батыры Қарақозы Әбдалиевті еске алуға арналған халықаралық турнир басталды. Бұл туралы Stan.kz ақпарат агенттігі хабарлайды.
Фото: ҰОК
Бокстан әлем чемпиондары Санжар Тәшкенбай мен Махмұд Сабырхан және Теміртас Жүсіпов Қарақозы Әбдәлиевті еске алуға арналған халықаралық турнирдің алғашқы айналымында жарқын жеңіске жетті. 48 келіде жұдырықтасатын Санжар Тәшкенбай алғашқы айналымда алматылық Сүлеймен Тілеубердімен кездесіп, төрешілердің бірыңғай шешімімен жеңіске жетсе, дәл осы салмақтағы 2021 жылғы әлем чемпионы Теміртас Жүсіпов те алғашқы айналымнан оңай өтті. Сондай-ақ 57 келідегі Махмұд Сабырхан Алматы облысының өкілі Тимур Кенжеақыннан басым түсті.
Айта кетейік, жарысқа Қазақстанның барлық аймағынан және бірнеше елден 150 боксшы қатысып жатыр. Осымен 43-рет өтіп жатқан бұл турнирде Қазақстан боксшылары Азия чемпионатына іріктеліп, құрам жасақталады.
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық
2026 жылы қазақстандықтарға ақшаны қалай сақтаған тиімді – Қаржы сарапшылары кеңес берді
Жаңа жылда қазақстандықтарды қосылған құн салығының өсуі, инфляция бәсеңдеуі сынды жаңашылдықтар күтіп отыр