"Біз жайлы алыпқашпа әңгіме көп": Қайрат Нұртас пен Жұлдыз Әбдікәрімова ұзақ уақыттан кейін бірге көзге түсті

Танымал өнерлі жұп Қайрат пен Жұлдыз ел алдына бірге шықты. Бұл туралы Stan.kz ақпарат агенттігі хабарлайды. 

Фото: https://www.instagram.com/zhuldyzabdukarimovaofficial/

Олар Instagram парақшаларында трендке айналған видеоны қайталап, бірге жазба жүктеді.

Олар көрермен арасында жұп туралы түрлі алыпқашпа әңгіме көп айтылып жатқанын жасырмады. 

"Мен Қайрекең туралы түрлі әңгімелер естимін. Десе де, мен оны сөкпеймін. Қайрекең туралы ғана емес, жалпы біз жайлы халық арасында алыпқашпа әңгіме өте көп. Бірақ біз оларды сөкпейміз", – деді Жұлдыз Әбдікәрімова. 

• "Өз үйімді де, жер үйімді де берген жоқ": Жұлдыз Әбдікәрімова үйін қайтару үшін баспасөз жиынын өткізді

• "Төрт баланың анасы, жалғыз...": Тележурналист Айгүл Мүкей әріптесі Жұлдыз Әбдікәрімоваға қолдау білдірді

Желі қолданушылары түрлі пікір білдіріп, жұлдызды жұпқа бақыт тілеп жатыр. 

“Махаббаттарың баянды да, тәтті болсын! Өмірлері күндей, көңілдерің гүлдей, армандарың асқар таудай болсын! Тату да тәтті өмір сүріңдер!”, “Енесі де Жұлдыздың құрбылары да “ажырасты” деп еді, қайта қосылғаны құтты болсын!”, “Екеуін көріп мен ғана қуанған жоқпын”, “Ажырасып кетсе де, балалары үшін әке-шеше болып қалады”, – деп жазды көпшілік. 

Еске салайық, Гүлзира Айдарбекова үйінен айырылып қалған келіні Жұлдызға ақыл айтамын деп сынға қалған еді.