Бишімбаев ісі бойынша сот отырысында судья алқабилерге шешім шығаруға арналған сұрақтарды қойды

Бишімбаевтың ісі бойынша сот отырысында судья шешім шығару үшін құрылған сұрақтарды алқабилерге оқыды. Бұл туралы Stan.kz ақпарат агенттігі хабарлайды. 

Жоғарғы сот

Алқабилерге арналған сұрақтар тізімінде 13 сұрақ болды. Оның 10-ы Бишімбаевқа қатысты, 3-і Байжановқа қатысты болған. Осыдан кейін алқабилер дауыс беру және үкім шығару үшін кеңесу бөлмесіне жіберілді.

Алқабилер тарапына қойылған сұрақтарға мыналар кірді:

• Салтанат Нүкенованың 2022 жылдың 16 желтоқсанынан бастап 2023 жылдың 9 қарашасына дейін денесінің және басының әр жерінен үнемі ұрып-соғу арқылы физикалық азап шеккені, сондай-ақ ар-намысы мен қадір-қасиетін қорлай отырып, моральдық азап шеккені дәлелденді ме?
• Бұл әрекетті Қуандық Бишімбаев жасағаны дәлелденді ме?
• Бұл әрекетке Бишімбаев кінәлі ме?
• Жәбірленуші (Салтанат Нүкенова) Қуандық Бишімбаевпен бірге тұрған кезден бастап өз бетінше ақша табуды тоқтатып, материалдық тәуелділікте болғаны дәлелденді ме?
• Салтанат Нүкенованың Bau мейрамханасында бас-ми жарақаты субдуралды гематома салдарынан көз жұмғаны дәлелденді ме?
• Салтанат Нүкеноваға әдейілеп бірнеше рет соққы жасалғаны дәлелденді ме? Соққыны сотталушы Бишімбаевтың жасағаны дәлелденді ме?

Алқабилерге қойылған бірнеше сұрақтың мәні осындай болды. 

• "Қуандық Салтанатты ғана емес балаларымның әкесін өлтірді": Бишімбаевтың бұрынғы әйелі экс-жұбайымен 14 жыл қалай некеде болғанын ашық айтты

• Бишімбаевтың адвокаттары БАҚ өкілдерін жала жапты деп сотқа бермек