Ал Бишімбаевтың анасы сотқа қорғаушы ретінде қатысып отыр. Ол журналистердің қай үкімді әділ деп санайсыз деген сұрауына “сот шешеді” деп жауап берді.

Ал БАҚ өкілдерінің айтуынша, сот әкімшілігі Қылмыстық кодекстің 158-бабын бұзады. Бір сөзбен айтқанда, журналистердің кәсіби қызметіне кедергі келтіреді.

Олар залға көп адамды орналастыру мүмкін емес екенін айтып, БАҚ өкілдерін тағы да сот залына кіргізбей отыр. Хаттамалық түсірілімге операторлар мен фотографтарды 3-4 минутқа кіргізу туралы өтініштер де ескерілмеді.

Бір күн бұрын сот отырысы трансляцияланған кеңседен хабар жоқ, тікелей эфир үзіліп қалды. Сот басталды, бірақ журналистердің онымен жұмыс істеуге мүмкіндігі жоқ.

Сотта Бишімбаевтың адвокаттары сөз сөйледі. Олар сотталушының "қиянат" және "қатыгездік" жасады деген айыптары шындыққа жанаспайтынын айтады. Айтуларынша Салтанат Нүкенованың өзі Қуандықты қатты қызғанған көрінеді.

Бишімбаевтың қорғаушылары тергеу экспериментін өткізуді сұрайды. Алдымен олар істі қайта саралауды, кейін Салтанат Нүкенова мен оның туыстарына психологиялық сараптама жүргізуді сұраса, енді тергеу экспериментін жүргізуді сұрап отыр. Адвокат Балашовтың айтуынша, Қуандық Бишімбаев пен Салтанат Нүкенова арасындағы жанжалды куәгерлер ести алмаған. Қорғаушылар мұны тергеу экспериментінде сынап көруді сұрайды.

Сондай-ақ олар бірқатар бейнекадрларды іс материалдарынан алып тастауды көздеп отыр. Олар Нүкенованы Бишімбаевтың ұрғаны түсірілген видео жасанды интеллект арқылы жасалған дейді.

Материал толықтырылып жатыр

Талқылау