Бірін-бірі таптаған: Сеулде Хэллоуин мерекесін тойлау кезінде 150-ден адам көз жұмды (видео)
Оңтүстік Корея астанасы Сеулде Хэллоуин мерекесіне арналған кеште 150-ден адам қаза болып, тағы 150-ден астамы жарақат алды, деп хабарлайды Stan.kz ақпарат агенттігі Reuters агенттігіне сілтеме жасап.
Қайғылы жағдай Сеулдің Итхэвон ауданында болды. Көз жұмғандардың 19-ы шетелдік.
Оңтүстік Кореяның Yonhap агенттігі өрт сөндіру қызметіне сілтеме жасай отырып, 50-ге жуық адамның жүрегі тоқтап қалғанын хабарлады. Ауданда бір уақытта шамамен 100 000 адам болған. Хэллоуиннен басқа, олар COVID-19 пандемиясынан кейінгі алғашқы ашық аспан астындағы іс-шараны атап өткен.
Ел президенті Юн Сок Ёль бірнеше мәрте шұғыл жиналыс өткізді. Ол зардап шеккендерге дереу алғашқы көмек көрсетуді тапсырды. Сондай-ақ Итхэвонға жедел медициналық көмек мамандарын аттандыруды, шұғыл көмек көрсетілетін төсек-орындар дайындауды жүктеді.
Алдын ала болжам бойынша, Хэллоуин мерекесінде адамдардың үлкен тобы Hamilton отелі маңындағы тар көшеге кіріп, бірін-бірі таптаған.
Seoul, South Korea. Crowd stampede during Halloween event in nightclub district - leaves dozens dead (current reporting 120). pic.twitter.com/0Ei2z3pYGo
— John Curtis (@Johnmcurtis) October 29, 2022
Оқиға орнындағы бейнеде көшелердегі мәйіт қаптары, жүрек-өкпе реанимациясын жүргізетіндер, жедел жәрдем қызметкерлері және басқалардың астында қалған адамдарды шығаруға тырысқан құтқарушыларды көрсетілген.
Officials in Seoul said that at least 120 people were dead and 100 others were injured after a stampede in the South Korean capital's popular Itaewon district, where crowds had gathered to celebrate Halloween. https://t.co/auJuczo3Ll pic.twitter.com/7FXmfW8qab
— The New York Times (@nytimes) October 29, 2022
Айта кетейік, алғашында оқиға салдарынан 50 адамның зардап шеккені туралы ғана хабарланды. Кейін 2 адам қаза болып, 23-і жарақат алғаны айтылды. Одан әрі 59 адам көз жұмғаны және 150-ден астамы жарақаттанғаны жазылды.