Жігіттің өкпесінің 80%-ы зақымдалып, қос пневмониядан мерт болды. Туыстарының шағымы жоқ. Өмірінің соңғы күндерінде олар ауруханада жанында болды. Дәрігерлер жігіттің соңғы 20 күнде өзін нашар сезінгенін айтады.

“Ол 20 күн бойы ауырмаған. Оның қалай ауырғаны, қалай ауруханаға келгені туралы зерттеулер жүргізілді. Таңертең тексеріс болады, дәрігерлердің тексеріс дәптері бар. Денсаулығына байланысты жауынгерлік немесе физикалық жаттығулардан босатылуы тиіс адамдарды жібереміз”, – деді ІІМ М.Бөкенбаев атындағы Ақтөбе заң институтының бастығы Нүркен Мқхамбетқалиев.

Қамбар Бейболды Ұлытау өңірінен Ақтөбедегі екі айлық курсқа жіберілген. Алайда оны аяқтай алмады. Ол заң факультетіне 23 қазанда келіп, 21 қарашада ауруханаға жеткізіліп, жетінші күні көз жұмды. Дәрігерлер сепсис пен инфекциялық-токсикалық шок асқынғанын айтады. Оның туа бітті жүрек ақауы да болған. Өкпе-жүрек жеткіліксіздігі де болды.

Бір күн бұрын сот-медициналық сараптамадан кейін курсанттың денесі анасы мен ағасына жіберілгені белгілі. Оны Түркістан облысына туған жеріне жеткізуге институт көмектесті.

"Ауру бір күнде асқынбайды.Алайда ол өзін 20 күн бойы ауырдым деген. Ол бізге өте ауыр жағдайда келді, тыныс ала алмай, тұншығып жатты. Сөйтіп оны жансақтау бөліміне жатқызып, бірден қарқынды терапияны бастадық”, – деді Ақтөбе облыстық фтизиопульмонологиялық орталығының бас дәрігері, депутат Ерлан Ілиясов.

Талқылау