Биолог COVID-19-ға қарсы вакцинаны салдыруға болмайтын адамдар тобын атады
Джордж Мейсон университетінің (АҚШ) жүйелік биология мектебінің профессоры, РҒА Медициналық-генетикалық ғылыми орталығының бас ғылыми қызметкері Анча Баранова вакцинацияға қарсы бес негізгі көрсетілімді айтты.
Оның айтуынша, COVID-19-ға қарсы вакцинажедел респираторлық инфекция, коронавирустың оң нәтижесі, жұқтырғаннан кейінгі жағдай, IgM антиденелері және ауыр аурулар болған кезде салдырмау керек.
"Егер сіз, мысалы, антиденелер үшін қан тапсырған болсаңыз және онда M иммуноглобулиндерін тапсаңыз, бұл сіздің иммундық реакцияңыздың қалыптаса беретінін көрсетеді. Яғни, сіздің ПТР тестіңіз теріс болса да, организм вируспен байланыста болады. Мүмкін вирус "жасырынып", ішекте немесе басқа жерде отырады. Бұл жағдай тұрақтылық деп аталады", - деді биолог.
Биолог ағзада IgM жоқ IgG антиденелерінің болуын коронавирустан кейінгі жағдай деп атады.
"Көп адам үшін бұл ұзақ ковид мағынасында ешқандай жанама әсерлермен байланысты емес. Бірақ IgG болған кезде вакцинаны алудың мәні жоқ. Вакцина кезегін басқа біреуге бергеніңіз абзал", - деп қосты Баранова.
Ол қарсы көрсеткіш ретінде иммуносупрессия немесе склероз сияқты ауруларды да атады.
Баранованың айтуынша, мұндай аурумен ауыратын науқастарды вакцинация алдында дәрігерлерімен кеңесуге жібереді, "және олар да білмейтінін айтады. Бұл үшін ешкім жауапкершілікті алғысы келмейді".