Қазақстанда хиджабқа тыйым салынған ба? – Ішкі істер министрлігі жауап берді
Фото: Ru.freepik.com
Полиция бетті толықтай жауып тұратын киімге тыйым салу туралы заңның негізгі қағидаларын түсіндіріп жүр. Қоғамдық қауіпсіздікті арттыруға және қоғамдық орындарда тұлғаны тану үшін 12 шілдеден бастап заңнамалық өзгерістер күшіне енді. Бұл туралы Stan.kz ақпарат агенттігі хабарлайды.
Бет-әлпетті толық жауып, оны визуалды түрде тануға, соның ішінде бейнебақылау камералары арқылы анықтауға кедергі келтіретін киімдерді кию заң бұзушылыққа жатады. Тыйым салынған киімдер:
- Балаклава;
- Медициналық емес маскалар;
- Никаб және бет-әлпетті тұтас жасырын ұстайтын өзге де киім түрлері.
Алайда бұл тыйым келесі жағдайларда қолданылмайды:
- Ауа райы жағдайына байланысты;
- Медициналық көрсеткіштер бойынша;
- Қызметтік немесе еңбек міндеттерін орындау кезінде;
- Азаматтық қорғау қажеттілігіне орай;
- Спорттық, мәдени немесе бұқаралық іс-шараларға қатысу барысында.
Айта кету керек, бет-әлпетті жасырмайтын діни киімдер, атап айтқанда, хиджаб, шейла, химар, аль-амира және басқа да ұқсас элементтер тыйым салынатын киімдерге жатпайды.
Полиция бұл шаралардың азаматтардың құқықтары мен бостандықтарын, соның ішінде діни сенім бостандығын бұзбай, тек қауіпсіздік пен қоғамдық тәртіпті қамтамасыз етуге бағытталғанын атап өтті.
"Ішімді екі қолымен қатты басты": Қазақстандық әйел босану кезінде дәрігерлерді салғырттық танытты деп айыптады
Нәресте 21 күн реанимацияда жатып, бірнеше рет наркоз алған
"Қайда жұмыс істейсіз, қанша жалақы аласыз": Қазақстандық ата-аналар мектептердің жеке мәліметтерді сұрауына наразы
Мектептер өткізетін сауалнамалар легі ата-аналар тарапынан түрлі сауал туғызып жатқан көрінеді