Маймыл шешегіне байланысты алғашқы ел міндетті карантин енгізді

Бельгия маймыл шешек ауруына байланысты міндетті карантин енгізген алғашқы ел болды, деп хабарлайды Daily Mail-ге сілтеме жасап Stan.kz ақпарат агенттігі. 

Бельгияда вирус жұқтырған 3 науқас тіркелгеннен кейін, елдің денсаулық сақтау органдары 21 күндік карантин енгізді, енді жұқтырған науқастар 3 апта ішінде оқшаулануы керек. Науқастармен байланыста болған адамдар әлі оқшауланбаған, бірақ симптомдарды бақылау ұсынылады.

Аргентина, Израиль, Швейцария және Австрия – маймылдың шешек ауруын растаған соңғы елдер. Бұл ауру туралы хабарлаған елдердің жалпы саны 15-ке жетті.

• Әлемде "Маймыл шешек" ауруы таралып жатыр 


• "Қазір бұл ең жұқпалы ауру": Қазақстандықтар жұқтырып жүрген "стелс-омикронды" қалай анықтауға болады 

Дүниежүзілік денсаулық сақтау ұйымы (ДДСҰ) негізінен Еуропада, Канадада, АҚШ-та және Австралияда маймыл шешегінің 92 расталған және 28 зерттеліп жатқан жағдай туралы хабарлады. Латын Америкасында әлі расталған жағдайлар жоқ.

Бұл індет ғалымдарды таңғплдыруда, бірақ көпшілік үшін қауіп аз деп саналады. Ұлыбританияның ұлттық денсаулық сақтау қызметінің мәліметінше, вирус жұқтырған адамдардың көпшілігі бірнеше апта ішінде қалпына келеді.