Байқоңыр ғарыш айлағына заңсыз кіріп кеткен үш шетелдік азамат ұсталды
Сейсенбі күні үш еуропалық азамат ғарыш айлағына заңсыз кіріп, Байқоңырдың монтаждау және жанармай құю кешеніне дейін жеткен. Оларды патрульдік полиция қызметкерлері байқап қалған. Бұл туралы Stan.kz ақпарат агенттігі Shot Telegram-арнасына сілтеме жасап хабарлайды.
Фото: flickr.com/nasahqphoto
Ұсталғандардың екеуі 25 және 29 жастағы Нидерланд азаматы, енді біреуі 26 жастағы Бельгия азаматы. Шетел азаматтарының ғарыш айлағына еш қатысы жоқ және Бойқоңырға кіруге мүмкіндік беретін рұқсат қағаздары да жоқ болып шықты.
Полицейлер еуропалықтардың ғарыш айлағына қалай, қайда және қандай мақсатпен кіргенін анықтап жатыр. Олардың тыңшылыққа қатысы бар-жоғы тексеріліп жатыр.
“Шетелдіктер әзірге нысанға рұқсатсыз кіргені үшін 5 тәулікке әкімшілік қамауға алынды”, – деп жазды арна.
Бұған дейін франциялық турист Байқоңыр ғарыш айлағының маңында шөлдеп, көз жұмған еді.
"Сот шешіміне дейін пәтерде тегін тұра ала ма": Үй иелері мен жалға алушылар Қазақстандағы жаңа өзгеріске байланысты нені білуі керек
Қожайындар енді екі айлық пәтер ақысын депозит ретінде бірден сұрайды
Қазақстандық оқушы ауа арқылы су тапшылығын жоюдың жолын қалай ойлап тапты: Оның өнертабысына шетел қызығуда
Ол жақында Венадағы БҰҰ штаб-пәтерінде Cleantech Days Forum 2026 форумында әлемнің үздік үш жас өнертапқышының қатарына енді