Жарылыстан кейін продюсер желіде әдемі суретін жариялап, “бақытты күн” деп жазды. Жамбыл облысының тұрғындары зардап шегіп, ел аз тұтып жатқанда продюсердің әрекетін біраз адам сынап үлгерді. Продюсер өзінің саясаткер емес, әртіс екенін айтып ақталды.

“Ал енді БАҚ өкілдеріне сұрақ. Мен депутат немесе министр емеспін, не үшін елде болып жатқан оқиғаларға пікір білдіруім керек? Неге мен? Иә, мен әрқашан азаматтық ұстанымға ие болдым, мен болып жатқан оқиғаларға жиі пікір айтамын. Бірақ мен саясаткер емес, әртіспін, продюсермін. Мен үйде үнсіз өз көңілімді көтере аламын ба, жоқ па? Неліктен мен туралы астарлап, сарказммен және тіпті ұят әрекет деп жазылады? Шенеуніктерден, бұл іске тікелей жауапты адамдардан сұраңыз. Оларды ұятқа қалдырыңыз, менде, ең болмағанда, көзқарасымды білдіругеқұқығым бар ма, жоқ па?! Иә, менің отбасымда шынымен де бақытты күн болды және бұл жарылыс болмай тұрып жоспарланған болатын”, – деп жазды ол парақшасында.

Біз алданып қалдық, әскерилердің бәрі қашып кетті: Жамбыл облысында зардап шеккен өрт сөндіруші жарылыстың қалай болғаны жайлы айтты (видео)

Баян Мақсатқызы: Қазақстанның еңбек сіңірген қайраткері атағын беру үшін менен жылда 10 мың доллар сұрайды

Желі қолданушылары оның сөзін қолдап, енді бірі қарсы пікір жаза бастады.

“Шынында да әртістің оқиғаға не қатысы бар? Ол не үшін өз көңіл-күйін көтере алмайды?”, “Жарылысқа жауапты адамдарға осылай жазу керек”, “Ел аза тұтып, қара жамылғандар қайғы жұтып отырғанда бұлай жазу дұрыс емес, журналист соны меңзеген”, “Сіз ел алдында жүрген соң сізден жақсы сөз күткенбіз”, “Бұл істе кінәлі адамдар жауап берсін, әртіс, әнші-күйшінің ешкімде шаруасы жоқ”, – деп жазды олар.

Талқылау