Батыр Жүкембаев кезекті жекпе-жегі алдында салмақ өлшеу рәсімінен өтті
Қазақстандық кәсіпқой боксшы Батыр Жүкембаев пен Иван Редкач жекпе-жегі алдында ресми салмақ өлшеу рәсімінен өтті. Бұл туралы Stan.kz ақпарат агенттігі хабарлайды.
Батыр Жүкембаев (22-1, 16 КО) 19 нокауты бар украиналық Иван Редкачқа қарсы жекпе-жек алдында салмақ өлшеу рәсімінен өтіп, көз түйістірді. Жартылай орта салмақта жұдырықтасатын боксшылар тиісті салмақты көрсетті. Жүкембаев пен Редкая АҚШ-тың Плант-Сити қаласында өтетін бокс кешінде жекпе-жек өткізеді. “Жексұрын” (Ei terrible) лақап атымен танылған украиналық Иван Редкач (24-6-1, 19 КО) Жүкембаевтың мансабындағы ең қиын қарсыластардың бірі ретінде саналады.
Айта кетейік, Жүкембаев соңғы жекпе-жегінде франциялық Мохамед Мимунды (23-6, 4 КО) төрешілер шешімімен жеңіп, WBA Continental North Americas белбеуін қорғап қалған еді.
Талқылау