Бақтиер Зайнутдинов Түркия кубогінің иегері атанды
Футболдан Қазақстан құрамасының ойыншысы Бақтиер Зайнутдинов түркиялық командасы сапындағы алғашқы титулына қол жеткізді. Бұл туралы Stan.kz ақпарат агенттігі хабарлайды.
Бақтиер Зайнутдинов өнер көрсететін Ыстамбұлдың "Бешикташ" футбол клубы Түркия кубогінің иегері атанды. Ыстамбұлда өткен матчта "Бешикташ" командасы "Трабзонспорды" 3:2 есебімен жеңіп, чемпиондық атаққа қол жеткізді. Матч соңына дейін отандасымызды қосалқы құрамда ұстаған команданың бас бапкері Зайнутдиновті алаңға мүлдем шығарған жоқ. Дегенмен Бақтиердің командасы тартысқа толы өткен матчтың қосымша уақытында жеңіс голын соғып, отандасымыздың түркиялық команда қатарындағы алғашқы трофейіне қол жеткізуге себепкер болды.
Айта кетейік, Бақтиер Зайнутдинов "Бешикташ" футбол клубына 2023 жылы ауысып, алғашқы матчында-ақ гол соғып, көзге түскен еді. Сондай-ақ ол Қазақстан құрамасы сапындағы ең қымбат ойыншы саналады.
"8 наурызды тойламаймын": Қазақстандық әйелдер атаулы мерекеден не үшін бас тартқандарын айтты
Қазастандық: "Үйде де, жұмыста да, көшеде де қор болып, зәбір көретін – әйел"
"Жеті атаны білеміз, жеті апаны ше": Қазақстандықтар әйелдерді шежіреге қосуды ұсынды
Этнограф: "Шежіреге қыздар жазылмаса, ру аттары неге әйел атымен аталған?"