Азат Перуашев "Ақ жол" партиясы төрағасы қызметінен кетті
Демократиялық "Ақ жол" партиясын 15 жыл басқарған Азат Перуашев партия төрағасы қызметінен кететінін мәлімдеді. Бұл туралы Stan.kz ақпарат агенттігі хабарлайды.
Ол партиялық жүйедегі монополияға қарсы күресу үшін басшылықтың жаңару керегін айтты.
"Біз жай ғана өзгерістерге бастар жолда тұрған жоқпыз, бүгінгі өмірді өзгертіп жатқан оқиғалардың дәл ортасындамыз. Алайда монополия бұл үдеріске кедергі келтіруі мүмкін. Монополияға қарсы ең тиімді құрал – басшылықтың уақытылы ауысып отыруы. Сондықтан тоқмейілсіп кетпей, жаңа идеялар мен бастамалардың дамуына кедергі келтірмес үшін партия төрағасы өкілеттігін тоқтату туралы шешім қабылдадым. Осы шешімді қолдауларыңызды және оған қарсы шықпауларыңызды сұраймын. Сондай-ақ уақытты жоғалтпай, жағдайға белгісіздік туғызбау үшін съездің қарауына жаңа төраға лауазымына кандидат ұсынамын", – деді Азат Перуашев.
Өз мәлімдемесінен кейін партияның жаңа төрайымы қызметіне Дәния Еспаеваны ұсынды.
Күні кеше Amanat партиясы "Әділет" партиясына қосылатыны туралы жазған едік.
Amanat партиясының төрағасы Ерлан Қошанов партия өз тарихының жаңа бетін ашып, мемлекет мүддесі мен қоғам сұранысына сай қадам жасауы тиіс екенін мәлімдеді.
Павлодарды "біздікі" деген ресейлік стример Fassoollka жауапқа тартыла ма? Заңгер түсіндірді
Ресейлік стример Fassoollka-ға мемлекет неге үнсіз және оны қандай жаза күтіп тұр?
Қазақстандық сызылған пауэрбанкіне байланысты ұшаққа отыру кезінде қиындыққа тап болды
Әуежай өкілі: "Құрылғының бұған дейін әуе көлігімен бірнеше рет тасымалдануы қауіпсіз екеніне кепілдік бермейді"