Аймағамбетов: Ата-аналар балаларын маскамен өздері қамтамасыз етсін
Білім және ғылым министрі Асхат Аймағамбетов онлайн брифинг барысында кезекші сыныптағы балаларды маскамен қамтамасыз ету мәселесіне тоқталды, деп хабарлайды Stan.kz апарат агенттігі.
Министр мемлекет кезекші сыныптағы оқушыларды маскамен қамтамасыз етпейтінін айтты. Ата-аналар балаларын мектепке өз еркімен жібергеннен кейін, масканы да өздері алып беруі керек. Ал мұғалімдердің маскасын мектеп беретін болады.
"Кезекші сыныптарға ата-аналар балаларды мектепке өз қалауы бойынша беріп жатыр. Сондықтан ата-аналар оқушыларды маскамен өздері қамтамасыз етуі керек. Оқушыларға тегін маскалар берілмейді. Ал мұғалімдерді қажетті маскамен мектептердің өздері қамтамасыз етеді", - дейді Аймағамбетов.
Осыған дейін білім және ғылым министрі бастауыш сыныптың оқушыларын 100 пайыз мектепке қабылдауға дайын екенін айтқан.
Рейхстагқа ту тіккен Рахымжан Қошқарбаев па, әлде тарихи шындық бұрмаланды ма?
“Ақиқат бәрін жеңеді, бірақ 50 жыл кешігіп жүреді" дейді тарихшы Болат Сайлан
"Жалаң қылышпен танктерге қарсы соғысқан": Екінші дүниежүзілік соғыс кезінде жойылып кеткен 106-ыншы атты әскери дивизия туралы не білеміз
Дивизия құрамына алынатын жауынгерлерге "оқып-жаза алуы керек және орыс тілін білуі керек" деген талап қойылды