Танысының кетуіне кедергі жасамақ болған қазақстандық сотталды
Сот Ақтау тұрғынын терроризм актісі туралы жалған хабарлама таратқаны үшін кінәлі деп таныды. Бұл туралы Stan.kz ақпарат агенттігі хабарлайды.
Фото: pixabay.com
Ер адам мас күйде азаматтық некедегі әйелі М-ның Алматы қаласына кетуіне кедергі келтіру үшін 102-желісіне қоңырау шалып, Ақтау қаласы халықаралық әуежайында және Ақтау қаласының теңіз портында жарылғыш зат қойылғандығы жөнінде хабарлаған. Аталған жерлерді тексеру барысында, ешқандай жарылғыш заттар мен оқ-дәрілер анықталмаған.
Салдарынан “Ақтау теңіз сауда портына", "Халықаралық Ақтау әуежайына", "Маңғыстау облыстық жедел және шұғыл медициналық жәрдем станциясына", "Маңғыстау облысы төтенше жағдайлар және полиция департаментіне материалдық шығын келтірілген.
Прокурор сотталушыны 2 жыл 6 айға бас бостандығынан айыруды сұрады.
"Азамат Ж Қылмыстық кодекстің 273-бабымен кінәлі деп танылып, оған 1 жыл 6 ай мерзімге бас бостандығынан айыру жазасы тағайындалған. Үкім заңды күшіне енді”, – делінген хабарламада.
Еске салсақ, осыған дейін Ұлттық қауіпсіздік комитеті Алматы мен екі облыстан терроризмді насихаттаушыларды ұстаған еді.