Australian Open: Теннисші Әмір Омарханов үшінші айналымға жолдама алды
Қазақстандық теннисші Әмір Омарханов жасөспірімдер арасында Australian Open жарысының үшінші айналымына жолдама алды. Бұл туралы Stan.kz ақпарат агенттігі хабарлайды.
Фото: ktf.kz
Омарханов екінші айналымда австралиялық Юмерали Ибраимимен кездесу өткізіп, оны жарыс жолынан тайдырды. Отандасымыз 1 сағат 35 минутқа созылған бәсекеде 6:4, 6:3 есебімен жеңіске жетті.
Әмірдің үшінші айналымдағы қарсыласы швециялық теннисші Виллям Режхтман Винцигарра болмақ. Спортшының жасы 17-де.
Айта кетейік, Әмір Омарханов жасөспірімдер арасында әлемнің 4-ракеткасы болып табылады. Ол да 17 жаста.
Сонымен қатар, бұған дейін Елена Рыбакина Australian Open жарысының ширек финалына өте алмаған еді.
Талқылау