Атырау облысында қираған көліктің жанында мас күйінде жатқан полицейдің видеосы тарады
Желіде Атырау облысында мас полицейдің видеосы пайда болды. Облыстық полиция департаменті жағдайға қатысты түсініктеме берді, деп хабарлайды Stan.kz ақпарат агенттігі.
Видеода жол апатына ұшыраған көліктің қасында ер адамның мас күйінде жатқанын көруге болады. Үстінде азаматтық киім болғанымен, ер адам полиция шалбарын киіп алған. Кейін ер адамның шынымен де тәртіп сақшысы екені белгілі болды.
Видеоның Жылыой ауданында түсірілгені хабарланды. Видеодағы – Жаңа Қаратон ауылына бекітілген учаскелік полиция инспекторы. Атырау облысының полиция департаменті қызметкердің ішкі істер органдарынан келеңсіз себептермен жұмыстан шығарылғаны туралы мәлімдеді. Ер адаммен бірге жергілікті полиция қызметінің Жылыой аудандық бөлімінің бастығы да қызметінен босатылды.
"Жүрегім Қазақстан деп соғады": Елімізді ұнатып қалған үндістандық боксшы енді Қазақстан атынан сынға түспек
Қазақстан оған тек спорттық мүмкіндік берген мекен емес, жүрегіне жақын елге айналған
"Әрқайсысына 150 миллион теңгеден": Елдегі ұлттық компаниялар 2025 жылы басшыларына қанша сыйақы төлеген
Бағдат Мусин басқаратын Қазақтелекомда жалпы сыйақы көлемі 752,3 миллион теңге болған