Атырау облысында киік аулағандар ұсталды 

Атырау облысы, Индер ауданында киік аулағандар ұсталды деп хабарлайды Stan.kz ақпарат агенттігі ІІМ-не сілтеме жасап.

"Атырау облысы аумағында өтіп жатқан "Қыстақ" жедел-профилактикалық іс-шарасы кезінде индерлік қызметкерлер Индербор кентіне кіреберіс тасжолда УАЗ автокөлігін тоқтатқан.

Тінту барысында киіктің 4 мүйізін, оның бұтарланған етін және аңшы қаруын тәркілеген", - деп жазылған ведомство хабарламасында.

Аталған фактіге қатысты 1974 және 1972 жылдары туған күдіктілерге қатысты ҚР Қылмыстық кодексінің 339-бабы бойынша сотқа дейінгі тергеу басталды.