Астанада жалған анықтама сатқан деген күдікпен екі емхана жетекшісі ұсталды
Астанада жалған анықтама беріп ақша тапқан деген күдікпен екі емхананың жетекшілері ұсталды деп хабарлайды Stan.kz ақпарат агенттігі Polisia.kz-тің хабарына сүйене отырып.
Polisia.kz
“Екі ЖШС-ның жетекшілері ұсталды. Олар клиенттермен алдын ала келісіп жалған медициналық анықтамалар: еңбекке уақытша жарамсыздық туралы парақ, денсаулық паспорты, санитар кітапшасы мен өзге де анықтамалар сатқан”, – делінген хабарламада.
Осы күдікпен Тәуелсіздік даңғылында орналасқан емхананың 33 жастағы басшысы ұсталды. Полиция одан ақша, мөрлер мен мөртабан, тіркеу журналы, медкітапшалар мен өзге құжаттарды тәркілеген. Екінші ұсталған адам – Әуезов көшесіндегі емхананың басшысы, 33 жастағы ер адам. Оған клиенттер жұмысқа тұру үшін, жүргізуші куәлігін алу медициналық анықтама жасатқан.
Қазір қылмыстық кодекстің 385-бабына (“жалған құжат дайындау”) сай іс жүріп жатыр.
"Балалардың қызуы 40°C-қа дейін көтеріліп, ауруханаға түсіп жатыр": Алматыда қандай инфекциялар таралып жатқаны белгілі болды
Маман ата-аналар баланың жағдайын мұқият бақылауы керегін ескертті
“ҚазМұнайГаз” 34 көлікті бес жылға жалдауға 4,2 миллиард теңге жұмсамақ
«ҚазМұнайГаз» 4,2 миллиард теңгеге көлік жалдамақ: компанияның жауабы қандай?