“Кеше Астанада Ресейдегі тінтуге байланысты тулалық белсенді Андрей Павлов ұсталып, қамауға алынды. Андрей Ресейде 280.3 қарулы күштердің беделін түсіру қылмыстық бабы бойынша сырттай қамауға алынды. Бүгінде ол Астанадағы уақытша ұстау изоляторында. 72 сағатқа уақытша қамауға алынды. Андрей Қазақстандық халықаралық адам құқықтары бюросынан заңгерлік көмек алуда. Уақытша ұстау изоляторында ол саяси себептермен босқын мәртебесін беру туралы өтініш жазған. Андрей екінші топтағы мүгедек. Қазақстанға өткен жылдың соңында келген”, – деп жазды ол.

Журналист тағы бір жазбасында "Саяси тұтқындарды қолдау. Мемориал" құқық қорғау жобасы Андрей Павловты Ресейде саяси қуғынға ұшырады деп танығанын сөз етті.

Жоба хатының үзіндісі бойынша, Андрей Павлов 2022 жылдың 24 ақпанында Ресей әскерінің Украинаға басып кіруі басталған сәттен бастап, соғысқа қарсы позиция ұстанған.

Павлов бұл ұстанымын VK әлеуметтік желісіндегі парақшасындағы жазбаларында және соғысқа қарсы жеке пикеттерді өткізу арқылы үнемі жеткізіп отырған. 2022 жылдың 30 наурызында оған сот 40 мың рубль айыппұл салды (шамамен 465 доллар)

“Оның конституцияға қарсы шыққаны айтылып, Ресей Федерациясының ӘҚБтК 20.3.3-бабы 1 бөлімі бойынша ("Ресей Федерациясының Қарулы Күштерін Ресей Федерациясы мен оның азаматтарының мүдделерін қорғау, Халықаралық бейбітшілік пен қауіпсіздікті сақтау немесе Ресей Федерациясының мемлекеттік органдарының беделін түсіруге бағытталған қоғамдық іс-шаралар өткізу") бойынша кінәлі болып танылды. Бұған себеп, ол күртешесіне Украина туын,"Путин stop war" деген жазуды және қызыл және қара жалауларды бейнелеп алған болатын. Олар сот шешімімен "казак наразылық баннері" деп танылды”, – деп жазылған хатта.
Осыдан кейін Павлов Ресейдің Тула облысы бойынша ішкі істер департаментінің (саяси полиция) есепке алынған.

“Тула облысы бойынша Ресей ІІМ ОӘК қызметкері полиция лейтенанты А.А. Мужицкийдің 2022 жылғы 27 шілдедегі баянаты негізінде 2022 жылғы 1 тамызда Павловқа қатысты 280.3-баптың 1-бөлігі бойынша қылмыстық іс қозғалды. Максималды санкция ретінде Ресей Федерациясының Қылмыстық кодексінің 280.3 бабының 1 бөлігі бойынша 3 жылға дейін бас бостандығынан айыру жазасы қарастырылған. Қазіргі уақытта репрессиялық заңнаманы қатаңдатудың келесі кезеңінен кейін ол 5 жылға дейін бас бостандығынан айырылды. Сол күні Павловтың пәтерінде тінту жүргізілді.

Тергеу мәліметтері бойынша, Павловтың "қылмысы" оның VK парақшасында Украинаға қарсы агрессияны сынаған 7 жазбасына негізделген. Сондай-ақ ол 2022 жылдың 29 шілдесінде қаланың орталық алаңына ""Нет *не! No r! HI ***нi" деген жазулармен плакат ұстап шыққан еді.
2022 жылдың желтоқсанында Павловтың ісі сотқа берілді. Ал 2023 жылдың наурыз айының басында оның Ресей Федерациясынан тыс жерлерге кеткені белгілі болды. Кейін оған Ресейдің құқық қорғау органдары іздеу жариялады және сот шешімімен сырттай қамауға алынды.

Андрей Павлов Ресей азаматтарына шекарадан өту үшін төлқұжат қажет емес екенін біліп, Қазақстан Республикасына кеткен.

Андрей Павлов Ресейге жер аударылған немесе экстрадицияланған жағдайда, ол дереу қамауға алынады, содан кейін ол нақты мерзімге бас бостандығынан айырылуы мүмкін. Бұл соңғы жылдары Ресейде, жалпы алғанда, адам құқықтары жағдайының тұрақты нашарлауына және 2022 жылдың 24 ақпанынан кейін Ресейде саяси қуғын-сүргіннің күрт өсуіне және іс жүзінде әскери цензураның енгізілуіне байланысты. Павловты қудалау осы репрессиялық науқанның бөлігі болмақ", – деп жазылған журналист жариялаған жоба хатта.

Осыған байланысты Stan.kz ақпарат агенттігі Астана полиция департаментіне сұрау салған еді. Полицияның баспасөз қызметі белсендінің ұсталғанын растады.

“Полиция қызметкерлері халықаралық іздеуде жүрген Ресей Федерациясының азаматын анықтап, ұстады. Іздеу жұмыстарының бастамашысы Ресей Ішкі істер министрлігінің Тула облысы бойынша департаменті болды. 39 жастағы ер адам Астана қаласының уақытша ұстау изоляторына жеткізілді”, – делінген хабарламада.

Талқылау