"Сырға салу рәсімінде болдық": Асқар Мамин мейрамханада Нығматулинмен және Жақсыбековпен бірген түскен суретіне түсінік берді
Асқар Мамин бұған дейін әлеуметтік желіде тараған Нұрлан Нығматулинмен және Әділбек Жақсыбековпен бірге түскен суретке қатысты пікір білдірді, деп хабарлайды Stan.kz ақпарат агенттігі.
Nur.kz порталына берген жауабында бұрынғы премьер-министр үш экс-шенеуніктің тойда бас қосқанын айтқан.
"Расымен де, өткен жексенбі, 2022 жылдың 4 қыркүйегінде Нұр-Сұлтан қаласындағы мейрамханалардың бірінде түскі уақытта жақын туыстарымның ұйымдастыруымен қазақтың салт-дәстүріне сай "Сырға салу" рәсімі өтті.
Бұл суретке қатысты кейбір БАҚ беттерінде айтылған болжамдарды мен орынсыз және арандатушылық деп санаймын", - деген Мамин.
- Мәжілістің экс-спикері Нұрлан Нығматулин мен бауыры Ерланның қылмыстық іске қатысы бар екені анықталды
- Қазақстанның экс премьер-министрі Асқар Маминге қатысты қылмыстық іс қозғалды ма? Сыбайлас жемқорлыққа қарсы агенттік жауап берді
- Нығматулиннің ұлдарына тиесілі "Қазфосфат" компаниясы тыңайтқыш бағасын негізсіз көтерді деп айыпталуда
Ол сондай-ақ қазір еліміз өзінің дамуының, оның ішінде саяси трансформацияның тарихи кезеңінде тұрғанын атап өткен.
"Осы себепті осындай шешуші кезеңде мемлекет басшысының айналасына топтасып, арандатушылар мен деструктивті ойы бар адамдарға ешқандай мүмкіндік бермеу керек деп есептеймін", - деп түйіндеген Асқар Мамин.
Еске салайық, бұған дейін әлеуметтік желілерде үш экс-шенеуніктің мейрамханада отырған суреті тарап еді. Бұл суретке қатысты ойын айтқан оқырмандар түрлі пікірлерін білдірген.