Арыстағы жарылыс: Сот қылмыстық істі кері қайтарды
Шымкенттік гарнизонның әскери соты Арыстағы жарылыстарға байланысты істі прокуратураға кері қайтарды. Бұған себеп - қылмыстық-процессуалдық заңнаманың бұзылуы, деп хабарлайды Stan.kz ақпарат агенттігі.
"Шымкент гарнизонының әскери соты, ҚПК-ның 323 және 340 бабы бойынша Түркістан облысы Арыс қаласында орналасқан оқ-дәрілердің жарылуына жауапты 16 сотталушыға қатысты қылмыстық істі прокуратураға кері қайтарды. Істің кері қайтарылуының себебі - оны объективті қайтаруға кедергі келтіретін жағдай қылмыстық-процессуалдық заңнаманың бұзылуы", -делінген әскери соттың баспасөз қызметінің ресми хабарламасында.
Қаулы ресми күшіне енген жоқ.
Айта кетейік, 2020 жылдың 8 маусымында Арыс жарылысына қатысты істердің барлығы біріктірілгені белгілі болған еді.
Еске салайық, 2019 жылы 4 маусымда Арыс қаласындағы қару-жарақ қоймасында жарылыстар орын алған еді. Салдарынан үш адам қаза болып, тағы екі жүзге жуығы жарақат алды. Тұрғындар эвакуацияланып, кейіннен Арыс қаласын қайта қалпына келтірілді.
Астана әкімдігі сенбілікте пластик жинағандарға қағаз салфетка таратқан: Экологтар бұның үлкен қате екенін айтып, дабыл қақты
