АҚШ Қазақстаннан әкелінетін кейбір тауарларға 12,5% кедендік баж енгізді: Министрлік мәлімдеме жасады
АҚШ Қазақстаннан импортталатын жекелеген тауарларға қосымша 12,5% кедендік баж енгізу туралы шешім қабылдады. Мұны ҚР Сауда және интеграция министрлігі мәлімдеді. Бұл туралы Stan.kz ақпарат агенттігі хабарлайды.
Министрліктің мәліметінше, шешім АҚШ-тың 1974 жылғы Сауда туралы заңының 301-бөлімі аясында жүргізілген тергеу нәтижесінде қабылданған. Жаңа талап 2026 жылғы 24 шілдеден бастап күшіне енді.
Сонымен қатар, АҚШ Сауда өкілдігі бекіткен ерекше тауарлар тізіміне енген өнімдерге бұл қосымша баж қолданылмайды.
ОқыңызВедомство бұған дейін қолданылған 10% уақытша импорттық үстеменің 150 күндік мерзімі аяқталғанын атап өтті. Сондықтан бұрынғы 10%-дық үстеме жаңа 12,5%-дық бажға қосылмайды.
Сауда және интеграция министрлігінің есептебі бойынша, Қазақстанның АҚШ-қа экспорттайтын өнімдерінің шамамен 95%-ы жаңа кедендік баждан босатылады.
Министрлік қазақстандық экспорттаушылардың мүддесін қорғау мақсатында АҚШ-пен келіссөздерді әрі қарай жалғастырып, өзара тиімді шешімдерге қол жеткізу бағытындағы жұмысты жалғастыратынын мәлімдеді.
