АҚШ елшісі қазақтың киіз үйінде Yenlik-пен бірге дуэт орындады

АҚШ-тың Қазақстандағы елшісі Джули Стаффт қазақстандық әнші Yenlik-пен дуэт орындады. Дипломат қазақ тілінде ән шырқап қана қоймай, ұлттық мәдениетімізге деген қызығушылығын ерекше бейнежазба арқылы көрсетті. Бұл туралы Stan.kz ақпарат агенттігі хабарлайды.

Желіде АҚШ елшісі мен қазақстандық әнші Еңліктің бірге ән салған видеосы жарияланды. Олар көпшілікке кеңінен танылған “Meili” әнін орындаған.

Бейнежазбаның бір бөлігі қазақтың киіз үйінде түсірілген. Ал қалған кадрларда елші мен әнші табиғат аясында ән шырқайды. Видеода ұлттық нақышқа ерекше мән берілген.

Оқыңыз

Қазақстандағы АҚШ елшісі «Қара жорға» биін биледі (видео) Оқыңыз

Айта кетейік, “Meili” әні 2025 жылғы қыркүйекте жарық көріп, әлеуметтік желілерде кеңінен тарады. Композиция миллиондаған қаралым жинап, қазақстандықтармен қатар шетелдік тыңдармандардың да назарын аударған.

Бұл Джули Стаффтың қазақ мәдениетіне алғаш рет қызығушылық танытуы емес. Бұған дейін дипломат отбасымен бірге домбыра сабағына қатысып, ұлттық аспапта ойнап көрген еді.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от U.S. Embassy to Kazakhstan (@usinkz)

Еске салайық, Джули Стаффт 2025 жылғы қазанда АҚШ-тың Қазақстандағы елшісі қызметіне кірісті.