"АПОЭЛ"-мен тең түскен "Қызыл-жар" командасы Конференция лигасынан шығып қалды
Петропавлдың "Қызыл-Жар" клубы Кипрдің АПОЭЛ командасымен тең түсіп, УЕФА Конференция Лигасындағы жорығын аяқтады, деп хабарлайды Stan.kz ақпарат агентттігі.
"Астана Аренадағы" қарымта ойында Әли Әлиев футболшылары Кипрдің АПОЭЛ командасымен 0:0 есебімен тең түсті. Алғашқы тайм қауіпті сәттермен есте қалмады. Алайда ойынның 63-минутында алаң иелері есеп ашуға мүмкіндік алған. Валерий Каршакевичтің баспен бағыттаған соққысы қақпаның жақтауына тиді.
Апта бұрын Конференция Лигасының үшінші іріктеу айналымындағы алғашқы кездесуде кипрліктер өз алаңында 1:0 есебімен ұтқан еді. Нәтижесінде АПОЭЛ турнирдің плей-офф кезеңіне жолдама алды.
Айта кетейік, "Қызыл-Жар" өз тарихында тұңғыш рет еурокубок бәсекесіне қатысты. Ал екінші раундта қос матч нәтижесі бойынша Хорватияның "Осиегін" екі ойында ұтты.
Қазақстанда киіз үй бағасы 200 мыңнан 1,8 миллион теңгеге дейін: Оны кімдер сатып алады?
"Өзін құрбан ету үшін "айналайын" деп дауыстаған": Қазақтың қандай салт-дәстүрі мен ұғымдары ұмыт болды
Тарихшы: "Ауру адамды киіз үйдің ортасына жатқызып, қарт кісі үш рет айналып, есікке келгенде “айналайын” деп дауыстайды"