Апалы-сіңлі егіздер бір күнде салмағы мен бойлары бірдей сәбилерді дүниеге әкелген
АҚШ-тың Калифорния штатында 30 жастағы егіз апалы-сіңлілер бір күнде босанып, өмірге салмағы мен бойлары бірдей екі ұл әкелді, деп хабарлайды Stan.kz ақпарат агенттігі Daily Mail басылымына сілтеме жасап.
Джилл Юстиниани мен Эрин Чеплак 5 мамырда бір перзентханада босанған. Бірінші болып Джилл сағат 18:39-да сәбиге өмір сыйласа, оның егізі Эрин бес сағаттан кейін перзент сүйген. Екі нәрестенің де салмағы 3,3 кг, бойы 50,8 см болып туған. Өмір есігін ашқан ұлдарға Оливер және Сайлас деген есімдер беріліпті.
Бір күнде босанамыз деген ой үш ұйықтасақ, түсімізге кірмеген еді дейді апалы-сіңлілер. Екеуі де сәбилерін екі түрлі уақытта дүниеге әкелуі керек болған екен.
Қазір екі отбасы балалары жақын болып өсуі үшін көрші үйлерге көшіп келген.
“Бұл біздің балаларымыз үшін ерекше дүние. Енді олар бірге өсіп, бірге ер жетеді. Олар да біз секілді бір-біріне арқа сүйер бауыр болып өсетініне сенімдіміз”, – дейді аналардың бірі.
Талқылау
Қазақстандық көпбалалы ана "Асар Уме" қайырымдылық қорын апатты үй берді деп айыптады
Екінші топ оқырмандар көпбалалы ананың қанағатсыздығын сынады
"70 күннен аса жүрдік": Қытайдан Астанаға атпен жолға шыққан жас жұбайлар көпшіліктің ықыласына бөленді
Бүгінде күллі қазақ жұрты оларды желіде бақылап, біразы алдынан күтіп, қонақ етіп жатыр