Әнші Мұқасан Шахзадаев төртінші рет әке атанды
Кеше белгілі әнші Мұқасан Шахзадаевтың төртінші перзенті дүниеге келді, деп хабарлайды Stan.kz.
Бұл туралы әншінің өзі Instagram желісіндегі парақшасында хабарлап, қуанышымен бөлісті.
“Сүйінші, ардақты ағайын! Төртінші ұлдың əкесі болу не деген бақыт еді. Аллаға сансыз шүкір! Ал, ағайын, осы ұлым ел қорғайтын, елдің қамын ойлайтын азамат болсын деп өздеріңізбен қуанышымды бөлісіп отырған жағдайым бар”, – деп жазды Мұқасан Шахзадаев.
Белгілі болғандай, әншінің шаңырағында төртінші ұл бала дүниеге келген.
Сондай-ақ, әнші ұлына қандай есім берерін ойлап, көпшіліктен кеңес сұрады.
Ал Шахзадаевтың өнердегі әріптестері мен желі қолданушылары әншіні құттықтап, “бауыр берік болсын” десіп, ақ тілектерін жаудырды.
Оқи отырыңыз:
Ерке Есмахан мен Әли Байжұматтың арасында не бар? (фото)
Ең талантты әрі сұлу әнші: Қазақстандық қыз Ресейді мойындатты
Димаш Құдайберген “Грэмми” сыйлығының иегерімен бірге ән жазып жатыр