Америка Құрама Штаттары Ауғанстанда болған 20 жыл уақытта 2 мыңнан астам адамынан айырылған

Америка Ауғанстан аумағында болған 20 жыл уақыттың ішінде 2 мыңнан астам адамынан айырылған. Бұл туралы АҚШ Орталық қолбасшылығының (USCENTCOM) басшысы генерал Кеннет Маккензи айтты, деп хабарлайды Stan.kz ақпарат агенттігі C-SPAN-ға сілтеме жасап.

"Әскердің шығарылуымен АҚШ-тың Ауғанстандағы жиырма жылдық миссиясы аяқталады. Бізде бұл уақыттың ішінде АҚШ әскерилері мен бейбіт тұрғындар арасында 2461 құрбандар мен 20 мыңнан астам жараланған адамдарымыз болды", – деді ол.

General McKenzie: “We did not get everybody out that we wanted to get out.”

pic.twitter.com/OGuusfv5k2

— Benny (@bennyjohnson) August 30, 2021

Бүгін американдық әскерилер бар соңғы ұшақ Кабул әуежайынан ұшып шыққаны мәлім болған еді. "Әл-Жазира" телеарнасындағы ақпарат көздерінің хабарлауынша, АҚШ әскерлерінің шығарылуы аяқталғаннан кейін Кабул халықаралық әуежайы "Талибан" қозғалысының (Қазақстанда тыйым салынған) толық бақылауына өтті.