Алматыда Қазақстандағы алғашқы крематорий жұмысын бастады

Алматыда Қазақстандағы алғашқы крематорийдің құрылысы аяқталды. Ол 4 мамырдан бастап жұмысын бастайды. Бұл туралы Stan.kz ақпарат агенттігі хабарлайды.

БАҚ мәліметінше, кремация қызметінің құны – шамамен 240 мың теңге. Бір рәсімнің орташа ұзақтығы шамамен екі сағат болады. Толық жүктеме кезінде бір пеш тәулігіне сегізге дейін кремация жүргізе алады.

Мәліметке сәйкес, нысан тәулігіне 16 кремация жасауға есептелген.

Мәйіттер арнайы пештерде 1100 градусқа дейінгі температурада өртеледі. Бұл оларды толықтай дерлік күлге айналдыруға мүмкіндік береді.

Оқыңыз

"Анам 39 жаста еді": Желіде қазақстандық біржолғы жерлеу төлемінің жасалмағанына шағымданды Оқыңыз

Кешенде сондай-ақ қоштасу рәсімдерін өткізуге арналған залдар және туыстарына күл салынған ыдыстарды беру бөлмелері қарастырылған.

Кремациядан кейін күлді тек жерлеуге болады. Қазақстанда оны шашуға тыйым салынған. Болашақта аумақта колумбарий салу жоспарланып отыр.

Кремация тек бір шартпен жүзеге асады. Адам тірі кезінде жазбаша келісім беруі керек. Бұл талаптар Алматыда қызметті пайдаланатын шетел азаматтарына да қатысты болады.

Айта кетейік, бұл – Орталық Азиядағы алғашқы осындай нысан, сондықтан Алматы осы салада өңірлік орталыққа айналып отыр.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Stan.kz ақпарат агенттігі (@_stan.kz)