Алматы облысында ағаш құлап, көліктерді басып қалды: Зардап шеккендер бар (видео)
Алматы облысында ағаш құлап, екі автокөлікті басып қалды. Бұл туралы Stan.kz ақпарат агенттігі хабарлайды.
Алматы облыстық төтенше жағдайлар департаментінің мәліметінше, оқиға 27 маусым күні Еңбекшіқазақ ауданында, Еңбек және Қырбалтабай ауылдарының арасындағы жолда болған.
ОқыңызОқиға орнына өңірлік ТЖД күштері мен техникалары шұғыл түрде жіберілген.
"Оқиға орнына келгеннен кейін ағаштың құлауы салдарынан екі жеңіл автокөліктің зақымданғаны анықталды. Зардап шеккендер жедел жәрдем бригадасымен медициналық мекемеге жеткізілді”, – делінген хабарламада.
Еске салсақ, бұған дейін Ақтөбеде қатты дауылдан ағаштар құлап, тұрғындар жарықсыз қалғаны туралы жазған едік.
