Алматылық "Қайрат" УЕФА Чемпиондар лигасының плей-офф кезеңінде сенсация жасады
Фото: fckairat.com
Чемпиондар лигасының плей-офф кезеңіндегі алғашқы матчында алматылық клуб сырт алаңда Шотландияның "Селтик" командасына қарсы ойнап, тең нәтижеге қол жеткізді. Бұл туралы Stan.kz ақпарат агенттігі хабарлайды.
"Селтик Парк" стадионында өткен кездесу 0:0 есебімен аяқталды. Алаң иелері басымдыққа ие болғанымен, қазақстандық футболшылар сауатты қорғанып, бірнеше қауіпті қарсы шабуылдар ұйымдастырды. "Қайраттың" соққан бір голы төреші тарапынан есепке алынбады.
Еуропалық басылымдар бұл нәтижені сенсация деп атап, "Селтиктің" өз мүмкіндіктерін жүзеге асыра алмағанын және Қазақстан клубының айтарлықтай қарсылық көрсеткенін жазды.
Жауапты матч 26 тамыз күні Алматыда өтеді. Қос команданың жеңімпазы Чемпиондар лигасының топтық кезеңіне жолдама алады.
Қапшағайда гидроскутер "үрлемелі диванға" соқтығысты: Әйелдің қуығы жырылып, қыз есін жоғалтқан
15 жастағы қыздың жамбас сүйектері бірнеше жерден сынып, жадынан айырылған
Әріптесінің хабарламасы алматылықты тротуарға құлаған бетон плитадан құтқарып қалды
Оқиға кезінде ол әріптесінің хабарламасына жауап беру үшін бір сәтке тоқтап үлгерген