"Денесін бір тәулік іздеген": Ер адам Алматыдағы Сайран көліне батып кетті
Алматыда сүңгуірлер Сайран көліне батып кеткен ер адамның денесін тапты, деп хабарлайды Stan.kz ақпарат агенттігі.
Куәгерлердің айтуынша, 31 мамыр күні шамамен кешкі сағат 17:30-да Сайран көліне 25-30 жас аралығындағы ер адам суға түсіп, қайтып шықпаған.
Алдын алдын ала болжам бойынша, жас жігіт таныстарымен бірге ішімдік ішкен.
"Алматы қаласының құтқару қызметінің құтқарушылары жедел іздестіру-сүңгуір жұмыстарын бастады. Іздестіру-сүңгуір жұмыстары қараңғы түскенге дейін жүргізілді. Бүгін таңғы сағат 08:30-дан бастап іздестіру-сүңгуір жұмыстары қайта басталды. Іздестіруге ҚР ТЖМ РЖҚЖ-ның сүңгуірлері де тартылды. Су тұнық болмағандықтан су астынан ештеме көрінбейді. Сондықтан іздестіру жұмыстары жанасу арқылы жүргізілуде",- деп хабарлады Алматы қалалық төтенше жаңдайлар департаментінен.
Іздестіру жұмыстарына Алматы қаласы құтқару қызметінің 4 сүңгіруі мен "ҚР ТЖМ" ММ-нен 3 сүңгуір мен 2 қайық жұмылдырылды.
“Ер адамның денесі табылды, оның жеке басы анықталуда”, – дейді төтенше жағдайлар басқармасы.