Алматыда жалған нөмірмен жүрген көліктерді анықтайтын "Сергек" камералары қосылды
Алматыда нақты уақыт режимінде жалған нөмірлі көліктерді анықтайтын жаңартылған схема бойынша "Сергек" камералары іске қосылды, деп хабарлайды Stan.kz ақпарат агенттігі.
Мұндай заң бұзушылықтарды "Қорғау сергек" бағдарламасы қадағалайды.
"Мемлекеттік жалған нөмірлерді пайдаланатын, көлік құралдарына арнайы белгі беретін құрылғылар орнатқан көлік жүргізушілерін, сондай-ақ көлікті мас күйінде басқарған тұлғаларды жауапкершілікке тарту бойынша мақсатты жұмыстар жалғасуда", - деді Алматы қалалық ІІБ жергілікті полиция қызметінің басшысы Манап Саттаров.
Өткен тәулікте бағдарлама қалада жалған нөмір пайдаланған 11 жүргізушіні анықтады. Олар тәулігіне 12,6 млн теңгені құрайтын 790 құқық бұзушылық жасаған. Көліктер тұраққа қойылды.
"Қорғау Сергек" жүйесі пилоттық режимде 2021 жылдың қарашасында іске қосылды. Ағымдағы жылдың бірінші тоқсанында жалған мемлекеттік нөмір пайдаланған 171 жүргізуші ұсталып, әкімшілік жауапкершілікке тартылды.