Алматыда субұрқақта ойнап жүрген балалар тоққа түсіп қалды
Алматыда субұрқақта ойнап жүрген балалар мен оларды құтқармақ болған әйелді тоқ соққан. Оқиға туралы әлеуметтік желі қолданушысы жазды, деп хабарлайды Stan.kz ақпарат агенттігі.
Желіде тоқ ұрған жеткіншектер мен әйел түсірілген видео таралды. Куәгерлердің сөзінше, екі қыз аяқкиімдерін шешіп, субұрқаққа түсейін деген.
"Олар субұрқақтағы темірге жабысып қалды. Анасы балаларын құтқармақшы болып жүгіріп барды. Олардың дауысы шықпады, сол кезде тоқ соққанын түсіндім. Мен көмекке шақыра бастадым, бірақ оларды құтқаруға ешкімнің жүрегі дауаламады. Бір кезде бір жігіт жәрдемдесуге жүгіріп келді", – деп жазды Үкілай Бестай есімді желі қолданушысы.
Абырой болғанда, әлгі жігіт қыздар мен әйелді құтқарып алған. Оған көмекке тағы бір ер азамат келген.
Оның сөзінше, бір қыз бірден есін жиған. Ал қалған екеуіне алғашқы көмекті сол маңдағы адамдар жасаған.
Қазіргі таңда тоқтан зардап шеккендердің жағдайы белгісіз.
"Адамдар келсе айт, жылауға дайындалайық": Қазақстандықтар жаназа кезінде бастан кешірген жағымсыз жайттары туралы баяндады
Желі қолданушысы: "Қазақтың жерлеу рәсімін жек көремін"
Не себепті Қазақстанда туу көрсеткіші Ресейден жоғары? Сарапшылар мұның пайдасы мен зиянын айтып берді
Демограф: “Жастар арасында child free ұстанымына бет бұру үрдісі бар”