Алматыда эпидемиялық ахуал тұрақталып келеді - Бекшин

Алматыда коронавирус індетінің жұғу деңгейі төмендеді. Бұл туралы қаланың бас мемлекеттік санитарлық дәрігері Жандарбек Бекшин мәлімдеді, деп хабарлайды Stan.kz ақпарат агенттігі. 

"Жағдайдың жақсарғаны көрініп тұр. Мысалы, соңғы айда өсім көрсеткіші 4,2-ден 1,4-ке дейін төмендеді. Сондай-ақ бізде негізгі репродуктивті сан бар, яғни, бір науқастың қанша адамға жұқтырғанын көрсетеді. Шарықтау кезеңінде бұл көрсеткіш 4-тен асып еді. Яғни, бір науқас төрт адамға вирус жұқтырды. Бүгінгі таңда бұл көрсеткіш 0,9-ға дейін төмендеді. Бұл індеттің төмендегенін көрсетеді", - деді Жандарбек Бекшин.