Алматы облысында сот пен сот приставы жемқорлық үшін сотталды
Алматы облысы Іле аудандық соты Талғар аудандық сотының судьясы Байғалиев пен осы соттың приставы Раймбековқа қатысты үкім шығарды. Бұл туралы Stan.kz ақпарат агенттігі хабарлайды.
Фото: Stan.kz
Сот приставы сот пен пара берушінің арасында делдал болған. Олар жас балаға зорлық-зомбылық жасаған адамның медициналық сипаттағы шараларынан өту шарттарын өзгерткен. Айыпталушылар 2 миллион теңге мөлшерінде пара алғаны үшін кінәлі деп танылды.
Байғалиев 4 жыл бас бостандығынан айырылды, ал делдал болған Раймбековке 20 миллион теңге көлемінде айыппұл салынды. Сондай-ақ сотталғандар мемлекеттік қызметте қызмет атқару құқығынан өмір бойына айырылды.
“Қылмыстық кодекстің 41-бабына сәйкес айыппұл белгіленген мерзімде төленбеген жағдайда жаза шарасы бас бостандығынан айыруға ауыстырылады”, – делінген хабарламада.
Сот үкімі заңды күшіне енген жоқ.
Бұған дейін танымал фотограф 22 жастағы қызды зорлағаны үшін сотталған еді.
"Жоғары жалақы, тегін үй мен тамақ, соңғы үлгідегі MacBook": Италиядағы халықаралық мектепте сабақ беретін қазақстандық ұстаздық жұмысы жайлы айтты
Нұржігіт: "Ата-аналар чаты жоқ, олар ұстазбен сөйлескісі келсе, арнайы қабылдауына жазылады"
"Ауырып қалса, біз жауаптымыз": Қазақстандық мұғалімдер оқушылардың ауыз бекітуіне қарсы шықты
Ал педиатр оқушының ағзасы дамып жатқан ағза, оған су, ақуыз, көмірсу мен май жеткілікті болуы керек дейді