Алматы облысында із-түзсіз жоғалған жасөспірім өлі күйінде табылды
Алматы облысында осы жылдың 30 тамызында хабар-ошарсыз кеткен 17 жасар Равиль Авамуслимовтың денесі табылды, деп хабарлайды Stan.kz ақпарат агенттігі.
Polisia.kz мәліметінше, жасөспірімнің денесін Еңбекшіқазақ ауданы Шелек ауылының 45 жастағы тұрғыны тапқан. Ер адам 11 қыркүйекте полицияға қоңырау шалып, Шелек ауылынан үш шақырым жерде көл жағасында балық аулау кезінде жас жігіттің жансыз денесін көргенін хабарлаған.
Оқиға орнына барған жедел-тергеу тобы марқұм жоғалып кеткендер тізімінде тұрған 17 жасар Равиль Авамуслимов екенін анықтады.
Жасөспірімнің өлімінің себебі белгісіз. Сот-медициналық сараптама тағайындалды.
Еске сала кетейік, Равиль Авамуслимов биыл 30 тамызда Еңбекшіқазақ ауданы Шелек ауылында жоғалып кеткен. Полицияға баланың туыстары жүгінді. Уәкілетті органдар еріктілермен бірге жасөспірімді белсенді түрде іздестірді.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі