Алматы маңында белгісіз біреулер демалыс аймағының иесі мен қызметкерлерін атып кетті

Алматы маңындағы Байсерке кентінде демалыс аймағының иесі мен қызметкерлері оқ жарақатын алды, деп хабарлайды Stan.kz ақпарат агенттігі Tengrinews.kz-ке сілтеме жасап.

Демалушылар атысты видеоға түсірген және полицияны шақырған.

Алматы облысы полиция департаментінің мәліметінше, 31 қазан сағат 15.50-де Іле ауданының кезекші бөліміне "Поляна" демалыс орнында атыс болғаны туралы хабарлама түскен. Полицейлер оқиға орнына жеткенде сағат 15.00-ге қарай медициналық маска таққан 15-20 адам демалыс орнына келгені және сол жерде мекеме иесімен - 1980 жылы туған ер адаммен жанжалдасып қалғаны анықталады. Содан соң олар оқ атқан. 

"К.Н. Кузнецовтың ішінен оқ тиген (резина оқ), сондай-ақ демалыс орнының қызметкерлері 1980 жылы туған М.С. Слямовқа (сол аяғына), 1994 жылы туған Я.А. Помазковқа (оң аяғына) оқ тиген. М. Слямов және Я. Помазков Алматы қаласындағы № 4 ауруханаға жеткізілді", - деді полициядағылар.

Белгісіз адамдар оқиға орнынан сұр түсті Mercedes w140 және ақ түсті Mercedes көлігімен қашып кеткен.

"Аталған дерек ҚР ҚК 293-бабы 3-бөлігі бойынша сотқа дейінгі тергеудің бірыңғай тізіліміне тіркелді. Оқиға орнанан 2-9 мм, 2-5,45 мм болатын 4 оқсауыт, резеңке оқ табылды", - деп қосты ведомстводағылар.