Алматы облысында үш жасар бала балабақшада кәріз құдығына түсіп, көз жұмған
Алматы облысында үш жасар бала балабақшада кәріз құдығына түсіп, көз жұмды. Мұны Алматы облыстық полиция департаментінің бастығы Бауыржан Әленов мәлімдеді. Бұл туралы Stan.kz ақпарат агенттігі хабарлайды.
13 қыркүйек сағат 13:08 шамасында Еңбекшіқазақ ауданы Қырбалтабай ауылында үш жастағы бала балабақшаның бірінің аумағында ашық кәріз құдығына құлаған. Ол ауылдық ауруханада мерт болды.
“Аталған дерек ҚК 141-бабының 2-бөлігі “Балалардың өмірі мен денсаулығының қауіпсіздігін қамтамасыз ету жөніндегі міндеттерді тиісінше орындамау” бойынша полицияда тіркелді.
Қазіргі уақытта оқиғаның барлық мән-жайларын толық, объективті және жан-жақты зерттеуді қамтамасыз ету үшін қажетті сараптамаларды тағайындаумен тергеу іс-шаралары жүргізілуде”, – деп хабарлады ПД өкілі.
Тергеу барысын Әленов жеке бақылауына алғанын мәлімдеді. ҚР ҚІЖК-ның 201-бабы тәртібінде өзге ақпарат жария етуге жатпайды.
Талқылау
Әкімдік қаладағы ескі брусчаткалардың мұқтаж отбасыға берілгенін айтты: Алайда Боқаев төсеуіштің жеке қолға сатылып жатқанын түсіріп алған (видео)
Санжар Боқаевтың айтуынша, әкелінген брусчатка мүлде бүлінбеген, тіпті жаңа күйінде болған
Алматылықтар Әл-Фараби даңғылының жабылуына байланысты көлік коллапсын күтуде: Әкімдік жөндеу жұмыстары неге жаз соңында басталғанын түсіндірді
Әл-Фараби даңғылы бойындағы газ құбыры 1974 жылдан бері жұмыс істеп келеді және әбден тозған