Әлеуметтік желіде танымал әнші Jah Khalib-тің мешіт тазалап жүрген видеосы тарады

Jah Khalib лақап атымен танымал әнші Бақтияр Мамедовті тыңдарманы мешіт тазалап жүргенін көріп қалып, видеосын әлеуметтік желіге жүктеді деп хабарлайды Stan.kz ақпарат агенттігі.

©instagram.com/jahkhalib

Желі қолданушысы бейнежазбаның астына: “Жұмаға ерте барып, барлық жерді жинап тастадық” деп жазба қалдырған. Видеода қолына шаңсорғыш ұстаған Jah Khalib мешіттің еденін тазалап жүр. Одан бөлек тыңдарманы өнер иесімен бірге түскен суреттерін жариялады.

Әншінің қарапайымдылығы көпшілікті тәнті етті. 

“Jah Khalib екенін бірден білдім”, “Сөз жоқ, ризамын”, “Неткен қарапайымылық”, – деп жарыса жазды желідегілер.

Оқырмандардың айтуынша, әнші Әл-Хамид мешітінде жиі төбе көрсететін көрінеді.