Әлемдік рейтингте үздік бестікке кірген Сұлтан Зауырбек бұрынғы әлем чемпионымен жұдырықтасады
Қазақстандық кәсіпқой боксшы Сұлтан Зауырбек IBO тұжырымы бойынша әлемнің экс-чемпионы болған боксшымен жекпе-жек өткізеді. Бұл туралы Stan.kz ақпарат агенттігі хабарлайды.
Фото: Wassermanboxing
Жеңілістің дәмін татпаған кәсіпқой боксшы Сұлтан Зауырбек (17-0,12КО) 14 маусым күні, Ұлыбританияның Лондон қаласында кезекті жекпе-жегін өткізеді. Екінші жартылай жеңіл салмақта жұдырықтасатын отандасымыз IBO тұжырымы бойынша әлем чемпионы болған Джеймс Диккенске (32-5, 12КО) қарсы шығады. Гильермо Ригондо, Кид Галахад, Райан Уолш сынды мықтылармен қолғап түйістірген Джеймс Сұлтанның мансабындағы ең қиын қарсыластардың бірі болмақ. Отандасымыз жеңіске жеткен жағдайда чемпиондық атақ үшін жекпе-жек өткізуге бір қадам жақындайды.
Айта кетейік, Сұлтан Зауырбек соңғы жекпе-жегінде колумбиялық Виктор Хулионы (17-11) төрешілер шешімімен ұтқан еді. Ол Англияда әлемнің даңқты боксшысы Энтони Джошуамен бірге дайындалады.
Талқылау
Қазақстандық көпбалалы ана "Асар Уме" қайырымдылық қорын апатты үй берді деп айыптады
Екінші топ оқырмандар көпбалалы ананың қанағатсыздығын сынады
"70 күннен аса жүрдік": Қытайдан Астанаға атпен жолға шыққан жас жұбайлар көпшіліктің ықыласына бөленді
Бүгінде күллі қазақ жұрты оларды желіде бақылап, біразы алдынан күтіп, қонақ етіп жатыр