"Әлем бойынша 600-ге жуық баланың әкесі болған": Сот ер адамды ұрық доноры болу құқығынан айырды

Дүние жүзінде 550-ден астам баланың әкесі болған нидерландылық ұрық донорына оның жасанды ұрықтандыру қызметін пайдаланған отбасылардың мүддесі үшін донорлықты жалғастыруға тыйым салынды, деп хабарлайды Stan.kz ақпарат агенттігі BBC агенттігіне сілтеме жасап. 

Енді Джонатан есімді 41 жастағы ер адамға салынған тыйымды бұзып, ұрығын клиникаға немесе әлеуетті ата-анаға қайтадан беруге тырысқаны анықталса, 100 мың еуро айыппұл төлеуге тура келеді.

Джонатанның жоғары донорлық белсенділігі қазірдің өзінде елдегі сот ісінің басты тақырыбына айналды. 2017 жылы Голландия соты оның ұрығынан 100-ден астам бала туылғаны анықталған кезде оған жергілікті клиникалармен ынтымақтастықты жалғастыруға тыйым салды.

Бірақ Джонатан бұл ісін тоқтатудың орнына өзінің ұрығын бүкіл әлем бойынша клиенттері бар балалар клиникасына жібере бастаған. Сонымен қатар оны интернет арқылы да қамтамасыз еткен. 

Голландиялық медицинаны реттейтін ережелерге сәйкес, бір донор 12 отбасында 25-тен астам баланың әкесі болмауы керек. Бұл бір әкесі бар, туыстық қатынастан бейхабар адамдардың көп болуына байланысты болашақта кездейсоқ, бір-бірімен тығыз байланысты отбасылық одақтар пайда болуы мүмкін деген алаңдаушылықпен байланысты туындаған. 

Қазіргі тыңдау кезінде Джонатан 2007 жылы донорлық қызметпен айналысқаннан бері шамамен 550-600 баланың дүниеге келуіне көмектескені белгілі болды.

Бұл көрсеткіш көтерілуі мүмкін деп қорқып, Гаагадағы сот оған болашақта донорлыққа тыйым салып, оның ұрығының үлгілерін жою үшін бұрын жұмыс істеген барлық клиникалардың тізімін беруді бұйырды.

Джонатанға өз қызметтерін әлеуетті ата-аналарға жарнамалауға немесе тікелей ұсынуға, сондай-ақ клиенттерді донорлармен байланыстыратын ұйымдарға кіруге тыйым салынды.

Ер адамға қарсы талап-арызды донорлардың балаларының құқықтарын қорғайтын ұйым мен оның донорлық материалын пайдаланып жасанды ұрықтандыруға жүгінген аналардың бірі берген.

Судья Тера Гесселинк өз үкімінде онымен байланысты барлық ата-аналар кенеттен балаларының жүздеген өгей бауырлары бар үлкен туыстық желінің бөлігі екенін анықтағанын атап өтті.

Бұл балалар үшін жағымсыз психоәлеуметтік салдарға, инцестке әкелуі мүмкін. 

"Мұндағы балалардың мүдделері айтарлықтай басым. Нәтижесінде бұл адамға қайтадан сперматозоидтар доноры болуға тыйым салынады", - деді сот өкілі Герт-Марк Смелт журналистерге.