Алексей Цой вакцинация туралы жалған төлқұжат жасайтындарды жазалауға уәде берді
Денсаулық сақтау министрі Алексей Цой Алматыда электрондық вакцинация паспортын қолдан жасағандар туралы айтты. Төлқұжаты бар адам іс жүзінде коронавирустық вакцинаны алмаған болып шықты, деп хабарлайды Stan.kz ақпарат агенттігі.
"Алматыда бірінші қылмыстық іс тергеліп жатыр, бұл соңғы емес екені анық,. Адамдар әлеуметтік желілерде вакцинация паспорттарын 5 мыңнан 15 мыңға дейін сатып алуға болады деп жазып жатыр. Қандай шаралар қолданылуда? Денсаулық сақтау министрлігі және қай ведомство вакцинация төлқұжатын алу және құжатты қолдан жасау мүмкіндігін болдырмау үшін қандай жауапкершілік алды? " - деп сұрады журналист.
ОКК-нің онлайн брифингінде Цой мұндай жағдай болғанын растады.
"Осындай ақпарат алған бойда мен жеке өзім Алматы қаласының әкімдігіне хабарластым және таңертең бақылауды алдық. Біз қауіпсіздік күштерімен жұмыс жасадық, ұстау шараларын өткіздік. Қазір барлық әлеуметтік желілерге бақылау жүргізіліп жатыр. Егер сізде қандай да бір ақпарат болса, біз бұл ақпаратты қабылдауға әрдайым дайынбыз ", - деп жауап берді министр.
Ол денсаулық сақтау министрлігі барлық медицина қызметкерлеріне ескерту жасағанын нақтылады.
"Бұл қылмыстық құқық бұзушылық болып саналады және кез келген азамат, дәрігер бұл жерде заңның өзгермейтіндігін түсінуі керек, бәрі жазаланады, біз оны табамыз. Егер мұндай жағдай орын алса, бұл үшін қылмыстық жаза қолданылады. Біз бақылау жасаймыз және бақылап отырамыз", - деп сендірді министр.
Мәжіліс депутаты: Шенеуніктер өздеріне 15 миллион теңгеден сыйақы тағайындап жатыр