Ақтөбедегі Бергей Рысқалиевтің зәулім үйін әлі күнге дейін күзетшілер күзетеді
Ақтөбедегі Бергей Рысқалиевтің зәулім үйін әлі күнге дейін күзетшілер күзетеді. Биік дуалдармен қоршалған сарайда алты жылдан бері Лондонда бой тасалап жүрген Атырау облысының экс – әкімі Бергей Рысқалиевтің 80-ге келген анасы тұрады.
Күзетшілердің айтуынша, Рысқалиевтің анасы қалада жоқ. Ал осыдан бірнеше күн бұрын Бергеймен кездестім деген саясаткер Серікжан Мәмбеталин экс-әкіммен бірге түскен суретін жариялаған еді, деп хабарлайды 31 арна.
Ал 24 – ақпанда ұлттық бюро Бергей Рысқалиев пен оның ағасы экс-депутат Аманжан Рысқалиев 2 наурызға дейін Астанадағы бюро ғимаратына тергеу амалдарын жүргізу үшін келуі тиіс деген хабарлама таратқан.
Оларға қызмет бабын асыра пайдаланды, қылмыстық топ құрды, мемлекет қаржысын жымқырды деген айыптар тағылған. Рысқалиевпен Лондонда кездестім деген Мәмбеталин оның Қазақстанға келе алмайтынын, тек Skype арқылы жауап бере алатынын жазған болатын.
Тағы оқыңыз:
Балқашта 3 жасар баланы өлтіріп тастаған
"25 жылдан бері Жаңа жылды тойламаймын": Қазақстандықтар не себепті айтулы мерекеден бас тартатындарын айтты
Жаңа жыл біздің отбасы үшін аса маңызды мейрамдардың қатарына кірмейді
Kcell компаниясы қызметкерлеріне арналған жаңа жылдық корпоративке 160 миллионға жуық қаражат жұмсаған
1100 адамға кешкі ас қарастырылған: қымбат салат, түрлі ассорти, стейк, жеміс пен десерт қойылған