Ақтөбе облысында ер адам 25 метрлік биіктіктегі мұнараға шығып, әкіммен кездесуді талап етті
Ақтөбе облысының Қаратоғай ауылында құтқарушылар өз-өзіне қол жұмсаймын деп қорқытқан ер адамды 25 метрлік байланыс мұнарасынан түсіруге мәжбүр болды. Азамат ешкімнің дегеніне көнбей, тек әкімнің ғана жанына жақындауына рұқсат берген, деп хабарлайды Stan.kz ақпарат агенттігі “Мой город” порталына сілтеме жасап.
Оқиға 1 маусым күні болған. Ер адамды құтқаруға облыстық төтенше жағдайлар департаментінің қызметкерлері, облыстың құтқарушылары, дәрігерлер мен полицейлер келген. Мұнараға шығып алған азамат әкесімен, әйелімен, қызымен және қызметкерлерімен байланыс орнатудан бас тартқан. Тек ауыл әкімі Руслан Байсағызовпен ғана сөйлесуге келісім берген. Әкім мұнараға жалғыз шығып, құтқарушылар мұнарадағы азаматқа жақындауы үшін оның назарын басқа жаққа аударуға тырысқан.
Сағат 17:17-де құтқарушылар ер адамға жақындап, оны құрылымға кісендеп үлгерді. Содан кейін альпинистік құралдың көмегімен оны түсіріп, учаскелік инспекторға тапсырды.
Ер адамның қандай талаптар қойғаны хабарланбады.
Шымкентте әйелін аяусыз соққыға жыққан ер адам тек 25 күнге қамалды
Шымкентте әйелін соққыға жыққан ер адам 25 күнге сотталды
"Ауруханаға өз аяғымен кіріп, табытпен шықты": Қызылордалық ер адам анасының өліміне дәрігерлерді айыптады
Іс бойынша реаниматолог, нейрохирург, кардиолог және учаскелік дәрігердің әрекеттеріне қатысты күдік бар